Жәларбжьаратәи автомашьынатә аушьҭра-гәаҭаратә ҭыԥ «Адлер» апассаџьыртә трафик аганахьала зегьы раасҭа ақәыӷәӷәара змоу обиектны иҟоуп. Убас, уи аушьҭра-гәаҭаратә лшара уахыки-ҽнаки рыла 28 нызықьҩык ауааи, 1,5 нызықь атранспорттә хархәагақәеи рҟынӡа инаӡоит. Убри аан, Урыстәылатәи Афедерациа атраспорт Аминистрра иҟанаҵо адыррақәа рыла, асезон ашыкьаҳәымҭаз уахыки-ҽнаки рыла аҳәаа иахысуеит 70 нызықьҩык ауааԥсыреи 12 нызықь автотранспорттә хархәагақәеи. 2024 шықәсазы ари аушьҭра-гәаҭаратә ҭыԥ ала аҳәаа иахысит 3 млн. инарзынаԥшуа автомашьынақәа.  

Ганрацәалатәи автомашьынақәа роушьҭра-гәаҭаратә Ҭыԥ «Адлер»  амилаҭтә проект «Аеффективра злоу атранспорттә система» ала амдернизациа мҩаԥгахоит.

Ареконструкциа иазку аусурақәа зегьы рымҩаԥгара ашьҭахь аушьҭра-гәаҭаратә ҭыԥ «Адлер» аушьҭратә лшара акыр еизҳауеит. Уи уахыки ҽнаки рыла иахысыр рылшоит 9,5 рыла еиҳаны атранспорттә хархәагақәа -  1,5 нызықь инаркны 14,1 нызықь рҟынӡа 3-нтә еиҳаны апассаџьырцәа -  28 нызықьҩык рҟынтәи 80,5 нызықьҩык рҟынӡа. Аиасразы ацәаҳәақәа рхыԥхьаӡара 28 рҟынӡа инаӡалоит, аамҭак ала аушьҭра-гәаҭаратә ҭыԥ аҿы 100 инарзынаԥшуа автомашьынақәа рышәҟәҭагалара алыршахоит, амашьыналасқәа, аидарамҩангагақәа, зоура зыҭбаара маҷу атранспорт, аминивенқәа, автобусқәа уахь иналаҵаны.