Аԥсны зынӡа иазоужьхеит 115 квота, урҭ рахьынтә хәба – Сибратәи афедералтә Университет агастрономиа Аинститут (СФУ) ахь. Иҳаҩсыз ашықәс азы ари аҵараиурҭа иарбоу ахырхарҭала иҭалеит быжьҩык астудетцәа, урҭ зегьы қәҿиарала рҵара иацырҵоит.

«Ашеф-хәыҟаҵаҩ изанааҭ ала иреиҳау аҵарадырра аиуразы иарбоу аҵараиурҭа хәыда-ԥсада аҭалара иазҿлымҳау зегьы ааԥхьара раҳҭоит», – ҳәа илҳәеит Ахаҭарнакра аусзуҩ Екатерина Власова. Лара азыҳәамҭақәа рхарҭәаареи иахәҭоу аусшәҟәқәа рыдкылареи  рзы аԥҟарақәа ртәы еиҭалҳәеит.

Аколлеџь адиректор Џьумбер Мышәба ишазгәеиҭаз ала, Сибратәи афедералтә Университет аҿы аҵаразы ихымԥадатәиу аҭагылазаашьақәа зегьы аԥҵоуп.

«Ҳара астудентцәа ацхыраара раҳҭоит аҵараиурҭа алхраан, аҵаразы иманшәалоу аҭагылазаашьақәеи зыҩаӡара ҳараку  аҵаратә программақәеи рыдаагалоит», – ҳәа илҳәеит лара.

Изанааҭ далацәажәеит аресторан «Леон» ашеф-хәыҟаҵаҩ Шамиль Кылыч. Уи иара изанааҭ Аԥсны акыр адҵаалара, ахархәара бзиа шамоу иҳәеит, иара Сибартәи афедералтә Университет – ари идуу акулинартә ҵараиурҭа ауп, уи азанааҭдырҩны аҟаларазы зеиӷьаҟам алшара унаҭоит ҳәа инаҵшьны иазгәеиҭеит.

Анаҩс астудентцәа рзы Сибратәи афедералтә Университет аҿы аҵара зҵои дареи ателецҳа рыбжьарҵеит, иара убас аҵараиурҭа аҿы онлаин-екскурсиа мҩаԥыргеит.

Аквота аиуразы азыҳәамҭа алауҵар ҟалоит ԥхынҷкәынмза  15, 2025 шықәсанӡа.