Агәаҭара зызкыз 2024 шықәсеи 2025 шықәса актәи азыбжеи рзы амиграциатә, абиуџьеттә, ашәахттә, уҳәа азакәанԥҵара анагӡара ауп.

Абиуџьеттәи абиуџьетнҭыҵтәи ахархәагақәа рхархәара, аҳәынҭқарратә мазара ахылаԥшра, иара убас ареспубликатә биуџьет ахь ашәатәқәа ианаамҭоу ралагалареи инагӡаны рынагӡареи аҳасабыркреи ргәаҭараан абиуџьеттә зинтә еизыҟазаашьақәа еилазго абиуџьеттә закәанԥҵареи егьырҭ анормативтә актқәеи реилагарақәа аарԥшын. Иара убас араионқәа рҿы Аҳәынҭқарратә миграциатә Маҵзура амиграциатә хылаԥшра Аусбарҭа аусураҿы агхақәа аарԥшын.

Агәаҭарақәа реихшьаалақәа рыла иаарԥшыз аилагарақәа иҟоу азакәанԥҵара иашьашәало аҟаҵара, афинанстә дисциплинеи амиграциа аусхкы аҿы ахылаԥшреи рырӷәӷәара хықәкыс иҟаҵаны,   Аҳәынҭқарратә миграциатә Маҵзура ахь азԥхьанҵақәа дәықәҵоуп. Уи амаҵзура аусура аеффективра ашьҭыхразы, адисциплина арӷәӷәареи аиԥш-зеиԥшу ахҭысқәа ҩаԥхьа рыҟамлареи рзы ихымԥадатәиу аусмҩаԥгатәқәа ркомплекс арбоуп.