Аҟәа. Ԥхынҷкәынмза 1, 2025 шықәса. Аԥсныпресс. Баҭал Бигәаа – абаталион «Пиатнашка» далан, иҷыдоу аопреациа ахьымҩаԥысуаз аҭыԥ аҟны фырхаҵарала дҭахеит. Уи иеиуеиԥшым ахырхарҭақәа рыҟны деибашьуан – Авдеевка, Часовои Иар, Курсктәи аобласт уҳәа рыҟны. Ахәрақәа дааныркыломызт, афронт ахь дыхнымҳәыр иуамызт.
«Баҭал иеиԥш иҟоу аиашара зхы ақәызҵаз егьырҭ арԥарцәагьы ҳара ҳзы ифырхацәақәоуп. Урҭ есқьынгьы аиаша иазықәԥоз абиԥарақәа ирхылҵшьҭрақәоуп», - ҳәа иаҵшьны иҳәеит Аԥсны Аҳәынҭқарра Ахада.
«Баҭал Џьон-иԥа Донбасс имҩаԥысуаз ихадароу аибашьратә хҭысқәа дрылахәын. Уи ихы дамеигӡакәа Курсктәи аобласт ауааԥсыра рыхьчаразы дгылеит. Баҭал Џьон-иԥа – дфырхаҵоуп. Аԥсни Урыстәылеи рзы Фырхаҵа иашоуп», – ҳәа иҳәеит Сергеи Кириенко.
Урыстәыла Ахада Владимир Путин Иусԥҟа ала Бигәаа Баҭал ианашьоуп Агәымшәара аорден. Сергеи Кириенко аусмҩаԥгатә аҟны аорден Афырхаҵа иҭаацәа рнапы иаиркит.
