Афестиваль аан асасцәа рзы иқәгылеит еиуеиԥшым арҿиаратә коллективқәа, урҭ амузыкатә номерқәа нарыгӡеит. Аделегациа ирбеит авокал-инструменталтә ансамбль «Гәында» ақәгылара, уи зыԥсы ҭаны инагӡахо амухыкеи адидџьеитә сет Shiriа ацҳәарала иқәгылеит.  Уи адагьы, адиџьеи Надир Џьинал — "Azamat" дыхәмарит.

Асас дахьқәа рҭаара аҭыԥантәи аарыхыҩцәеи аҭыжьыҩцәеи адгылара рыҭареи Аԥсны агастротуризм аҿиареи иаҵоу аҵакы ахадара аанарԥшит.  

Аԥсны ахадеи Урыстәыла ахада Иусбарҭа анапхгаҩы актәи ихаҭыԥуаҩи амилаҭтә чыс агьама рбеит. Бадра Гәынба афестиваль алахәылацәа зегьы дрыдныҳәалеит, афермерцәа рџьабаазы иҭабуп ҳәа реиҳәеит.

«Аԥсуаа «Аамҭа бзиеи аура бзиеи рзы» аныҳәаҿа шьҭырхуеит. Анхацәа рзы есымша иманшәалоу аҭагылазаашьақәа ҟалааит, ианаамҭоу амра рыгымхо, ианаамҭоу ақәа роуа, аура бзиа ҟало, рџьабаа бзабааны ирԥыло. Иныҳәазааит аарыхра знапы алаку, гәыла-ԥсыла зус иазнеиуа зегьы. Иҭабуп!», –  ҳәа иҳәеит иара.