Аԥсны атуризм аминистр афорум иалахәыз рҿаԥхьа адныҳәаларатә ажәахә ҟаҵо дықәгылеит. Уи атәыла атуристтә усхкы аҵыхәтәантәи ашықәсқәа рзы аҿиара иҿыцу аимпульс аанарԥшуеит ҳәа иазгәеиҭеит.

Аминистрра хара имгакәа атурисстә усуреи аусхкы аҿиара аконцепциеи рзы иҿыцу азакәан аус адулара хнаркәшоит. Иара убас ишьақәыргылоуп иаку асасааирҭатә шәҟәынҵа, уи ааигәа ишьақәырӷәӷәаны аԥснытәи ахырхарҭала аус зуа атуроператорцәа зегьы ирыздәықәҵахоит.  

Аԥсны атуризм аминистр иааиуа IV атуроператорцәа Жәларбжьаратәи рконгресс Аԥсны амҩаԥгара алыршара азҵаара иахәаԥшырц ажәалагала ҟаиҵеит, уи афорум алахәылацәа ареспублика иаҭаарц азы ааԥхьара риҭеит, ҳәа адырра ҟанаҵоит Аминистрра апресс-маҵзура.