Екатерина Лиаховецкаиа ахбыџқәа рықәратә ҷыдарақәеи ринтерессқәеи ҳасаб азуны акласстә сааҭ аинтерактивтә программа еиқәлыршәеит.   

Аекспертцәа ахбыџқәа рзы акутуалра злоу  абарҭ атемақәа ирзааҭгылеит:

• Асоциалтә ҳақәа рҿы амцҳәаҩцәа шԥеилкаатәу,
• Ухатә дыррақәа шԥахьчатәу,
• акибербуллинг ишԥаҿагылатәу,
• асоциалтә ҳақәа рҿы иҟоу аинформациа критикала азнеира, критикала ахәшьара аҭара зхымԥадатәиу.

«Ас еиԥш иҟоу аиԥыларақәа акырӡа аҵак ду оыҵоуп. Ҳара ҳхықәкы хада – ахәыҷқәа рыршәара акәӡам, ҳара урҭ ишәарҭаданы, ииашаны ацифратә ҵакыра ахархәара рылзыршаша  аԥышәатә зыҟаҵарақәа рыҭара ҳҽазаҳшәоит. Уамеигәырӷьар залшом ахәыҷқәа ахшыҩзышьҭреи иарбоу азҵаарақәа рҿы ирымоу адыррақәеи ахьаадырԥшыз», — ҳәа иазгәалҭеит Мактина Џьынџьалԥҳа.

Еиҵагыло абиԥара рцифратә ҵарадырра иазырхоу ас еиԥш иҟоу аилыркаагатә усмҩаԥгатәқәа егьырҭ ареспубликатә  школқәагьы рҿы имҩаԥгахоит.