Абгархықә ақыҭа абжьаратәи ашкол иааиуа амчыбжь азы иҿыцу ашколтә автобус азааргоит.

вчера 0:18

Абгархықә ақыҭа абжьаратәи ашкол иааиуа амчыбжь азы иҿыцу ашколтә автобус азааргоит.

Аҟәа. Абҵарамза 18, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Гәдоуҭа араион Абгархықә ақыҭа абжьаратәи ашкол даҭааит имҩаԥысуа арҿыцратә усурақәа ргәаҭаразы. Абри азы адырра ҟанаҵоит Аҳәынҭқарра Ахада ипресс-маҵзура.

Аҳәынҭқарра Ахада инапынҵала Шьаҭанкылатәи аргыларатә усбарҭа 1900 ԥшьыркца метра рҟынӡа ахыб аԥсахразы аусурақәа мҩаԥнагоит. Ҳазҭагылоу аамҭазы иԥсахуп 1400 ԥшьыркца метра рҟынӡа.

Шьаҭанкылатәи аргыларатә усбарҭа аиҳабы Гамсаниа Демир иҳәеит аусурақәа амчыбжь иалагӡаны ишхыркәшахо.

Аҳәынҭқарра Ахада аргыларатә усбарҭа аиҳабы иирбеит уадақәак рыҟны аҭыӡқәа ирымоу аԥакәи.

Аҳәынҭқарра Ахада иаҵшьны иҳәеит ахәыҷқәа ас еиԥш иҟоу аҭагылазаашьа ргәабзиара ишазеицәоу, хара имгакәа ари азҵаара аӡбара шаҭаху.

Ашкол аҟны иара убас 30 инареиҳаны ԥенџьыр рыԥсахуеит.

Аҳәынҭқарра Ахада арҵаҩратә коллектив ирылеиҳәеит иааиуа амчыбжь азы ашкол иҿыцу ашколтә автобус шаиуа.

Read 48 times