Астанциа маҷ «Алаҳаӡы» аҿы арҽеиратә усурақәа рышьҭахь уи азеиԥш мчхара 80 МВт рҟынӡа иҟалоит.

сегодня 18:30

Астанциа маҷ «Алаҳаӡы» аҿы арҽеиратә усурақәа рышьҭахь уи азеиԥш мчхара 80 МВт рҟынӡа иҟалоит.

Аҟәа. Абҵарамза 18, 2025 шықәса. Аԥсныпресс. Аҳәынҭқарра Ахада Гагра араион Алаҳаӡы ақыҭаҟны астанциа маҷ аҿы арҽеиратә усурақәа рымҩаԥысшьа дахәаԥшны ибеит.

Шьаҭанкылатәи аргылара аусбарҭа аиҳабы Демир Гамсаниа иажәақәа рыла ари аиҵастанциа араион аҟны иҟақәоу иреиҳау иаҵанакуеит, иара аусура фымцала аиқәыршәаразы астратегиатә ҵакы амоуп.

Аргылара аусбарҭа аиҳабы ишиҳәаз ала, арҽеиратә усурақәа рымҩаԥгара иалагаанӡа аиҵастанциа амчхара иартәон 20 МВт. Шьаҭанкылатәи арҿыцра анымҩаԥгаха анаҩс астанциа амчхара иазҳаит 40 мегаватт рҟынӡа.

«Трансформаторк шьақәҳаргылахьеит, хара имгакәа аҩбатәигьы ааҳхәараны ҳаҟоуп. Абасала азеиԥш мчхара 80 МВт рҟынӡа иҟалоит», — иҳәеит Дамир Гамсаниа.

Уи иацҵаны иҳәеит ари аизырҳара имаҷуи ибжьаратәуи абизнес аобиектқәа ралархәразы алшара шаԥнаҵо.

Аҳәынҭқарра Ахада «Амшынеиқәафымцамч» анаплакы анапхгара рҿаԥхьа уснагӡатәны иқәиргылеит амҩа хада арлашаразы азҵаара аӡбара.

Аҳәынҭқарра Ахада инаҵшьны иҳәеит амҩаҟны аныҟәараан ашәарҭадара алыршаразы акырӡа шаҵанакуа.

«Излауала, хара имгакәа ари ауснагӡатә аӡбара напы ашәыркыроуп», — ҳәа адҵа ҟаиҵеит Бадра Гәынба.

Read 112 times - Аҩаша, 18 Абҵара 2025 15:48