Аҟәа. Абҵарамза 10, 2025 шықәса. Аԥсныпресс. Аладатәи аоперативтә ҳазалхра аусзуҩцәа аҳазалхратә закәанԥҵара аилагарала Аԥснынтәи Урыстәылаҟа аҳәаанырцтәи амашьына аиагара афакт шьақәдыргылеит.
Урыстәылатәи Афедерациа Афедералтәҳазалхратә Маҵзура Аладатәи аҳазалхратә Усбарҭа апресс-маҵзура иҟанаҵо адыррақәа рыла, аоперативтә усзуҩцәа еилыркааит 36-шықәса зхыҵуа Аԥсны атәылауаҩ зыхә ҳаракны иршьо амашьына Mercedes Benz S 55 AMG, ахатә хархәаразы иҭахушәа, аҳазатә шәарақәа рҟынтәи ахақәиҭтәра аманы аҳәаа иахганы Урыстәылаҟа ииаигеит. Аха уи убри аан аамҭалатәи алагалараз аԥҟарақәа еилаганы, амашьына Ҟабарда-Балкариа инхоз 34-шықәа зхыҵуа аӡәы ииҭеит.
Аԥсны атәылауаҩ Урыстәыла аҳазалхратә закәанԥҵара аилагаразы 3,2 миллион мааҭ инареиҳаны аԥара ишәар акәхоит. Автомашьына имхуп.
Аладатәи аоперативтә ҳазалхрала Аԥсны атәылауаҩ иганахьала Урыстәылатәи Афедерациа Ашьаустә Закәанеидкыла ахәҭаҷ 194 инақәыршәаны (знтцҵалыҵ дуу аҳазалхратә шәатәқәа ршәара аҽыхгара) ашьаусеилыргара хацнаркит.
