Аконтрольтә Палата ахантәаҩы Каха Пертаиа ихьӡала идәықәҵаз адныҳәаларатә цҳамҭа аҿы, ахәҭакахьала иҳәоуп:

«Ҳаҭыр зқәу Каха Заур-иԥа!

Ҳаҭыр зқәу Ареспублика Аԥсны Аконтрольтә Палата аусзуҩцәа! Жәлар Реизара-Апарламент адепутатцәеи хаҭала сара сыхьӡалеи ишәыдысныҳәалоит Аконтрольтә Палата 15-шықәса ахыҵра!

Иҳаҩсыз ашықәсқәа рзы Аконтрольтә Палата аколлектив ҳтәыла аҳәынҭқарратә финанстә хылаԥшра асистема  аҿиара аҿы рлагала ду аларҵеит.  

Иҭабуп ҳәа раҳҳәоит ахылԥшырҭа ауасхыр зкыз  аветеранцәа.

Шәара ахылаԥшра ашәҭоит абиуџьет аԥаратә хархәагақәа еффективра аныхра, афинанстә дисциплинеи аҳәынҭқарратә институтқәа русураҿы азакәанреи рырӷәӷәара шәацхраауеит.  Шәара шәусура анагӡаразы иҵаулоу апрофессионалтә дыррақәа рнаҩсгьы ҳҳәынҭқарреи ҳауаажәларреи рҭаххрақәа реилкаареи иҳараку аморалтә ҟазшьеи аҭахуп.

Ахә ҳаракны иаҳшьоит ахылаԥшырҭа апотенциал зырӷәӷәо, ҳҳәынҭқаррақәа рыбжьара аҩганктәи аизыҟазаашьақәа рыҿиара иацхраауа урыстәылатәи шәколлегацәеи шәареи шәеимадареи шәусеицуреи.

Агәра ганы ҳаҟоуп Аԥсны Жәлар Реизара-Апарламенти Ареспублика Аԥсны Аконтрольтә Палатеи анаҩстәи русеицура абиуџьеттә процесс аеффективра аизҳара ишацхраауа.  

Гәык-ԥсыкала ишәзеиӷьаҳшьоит агәабзиара, агәамч, ахирра, ҳтәыла аизҳазыӷьара иазку шәусура аҿы аманшәалареи ақәҿиарақәеи».