Аделегациа аилазаараҿы иҟоуп  адепутатцәа Асҭамыр Џьопуеи Дмитри Маршьани.

Аконференциа апрограмма аҳәаақәа ирҭагӡаны иазԥхьагәаҭоуп  Нхыҵ-Кавказтәи Апарламенттә Ассоциациа Ахеилаки Ассоциациа апрофильтә еилакқәеи реилатәара. Араҟа ирылацәажәараны иҟоуп азакәанԥҵара, асоциалтә политика, анаука, акультура, аҵарадырра, амилаҭбжьаратәи аизыҟазаашьақәеи апарламентбжьаратәи аимадарақәеи, уҳәа ирыдҳәалоу азҵаарақәа жәпакы.

Нхыҵ-Кавказтәи Апарламенттә Ассоциациа аԥҵан лаҵарамза  2011 шықәса рзы, уи аилазаараҿы иҟоуп Урыстәылатәи Афедерациа асубиектқәа быжьба: Чечентәи Ареспублика, Ареспубликиа Нхыҵ Уаԥстәыла – Аланиа, Ҟабарда-Балкариатәи Ареспублика, Ҟарачы-Черқьесстәи Ареспублика, Ареспублика Даӷьесҭан, Ареспублика Ингушетиа, Ставропольтәи атәылапҿацә, иара убас Ассоциациатә лахәыла – Аахыҵ Уаԥстәыла Апарламент рзакәанԥҵаратә усбарҭақәа.

Архыз имҩаԥысуаз аконференциа ахь ааԥхьара роуит Алада-Урыстәылатәи Апарламенттә Ассоциациа аилазаара иалоу апарламентқәа зегьы.