Псковтәи аделегациа аилазаараҿы иҟоуп – Псковтәи аобласт аинвестициатә ҿиара Афонд адиректор Хада Екатерина Ершова, Псковтәи аобласт аекспорт адгылара аҭара Ацентр анапхгаҩы Мариа Сидорук, псковтәи аилазаарақәа рхаҭарнакцәа.

Абизнес-миссиа аҳәаақәа ирҭагӡаны иазԥхьагәаҭоуп Ареспублика Аԥсны иҟоу Урыстәылатәи Афедерациа ахәаахәҭратә Хаҭарнакра, Ахәаахәҭра-ааглыхратә Палата, иара убас аминистрцәа Реилазаара аҿы аусуратә еиԥыларақәа рымҩаԥгара.   

Абизнес-миссиа апрограмма ала иазԥхьагәаҭоуп псковтәи абизнес-еилазаара ахаҭарнакцәа рыла аусуратә контактқәеи акооперациатә еимадареи  рыбжьаҵара хықәкыс иҟаҵаны Аԥсны иҟоу апрофильтә еиҿкаарақәеи анаплакқәеи рҭаара.

Абизнес-миссиа ҳазҭоу ашықәс нанҳәамзазы Псковтәи аобласт агубернатор Михаил Ведерников зхадараҿы дыҟаз Псковтәи аобласт аделегациа Аԥсныҟа аара аҳәаақәа ирҭагӡаны ибжьаҵаз аиқәшаҳаҭрақәа реихшьаалақәа рыла  имҩаԥысуеит.