Аҳәынҭқарратә ҳазалхратә Еилакы аусзуҩцәа Аԥсны атәылауаҩ граммк еиҳаны аметадон идырбалеит.

сегодня 23:49

Аҳәынҭқарратә ҳазалхратә Еилакы аусзуҩцәа Аԥсны атәылауаҩ граммк еиҳаны аметадон идырбалеит.

Аҟәа. Жьҭаарамза 13, 2025 шықәса. Аԥсныпресс. Жьҭаарамза 6 рзы Аҳәынҭқарратә ҳазалхратә Еилакы аусзуҩцәеи Аҩныҵҟатәи аусқәа Рминистрра анаркотикқәа реикәыршара ахылаԥшра аҭаразы Аусбарҭа аусзуҩцәеи аҳазалхратә Ҭыԥ «Ԥсоу» аҿы дааныркылеит 1995 шықәса рзы ииз Аԥсны атәылауаҩ, Гәдоуҭа араион Лыхны ақыҭан инхо Саманџьиа Руслан Нурбеи-иԥа.

Руслан Саманџьиа Аҩныҵҟатәи аусқәа Рминистрра анаркотикқәа реикәыршара ахылаԥшра аҭаразы Аусбарҭа амаҵуратә уада ахь днаргеит, уаҟа уи имырхит ишкәакәоу аххыраԥшра змоу амаҭәашьар згәылаҳәаз аилаҳәарақәа ҩба.

Аԥсны аҩныҵҟатәи аусқәа Рминистрра Аексперт-криминалистикатә Центр адырраҭарала, Руслан Саманџьиа имхыз амаҭәашьар зыкапан 1,106 грамм рҟынӡа инаӡо анаркотикатә маҭәашьар «метадон» ауп.

Руслан Саманџьиа дырбаандаҩуп, уи аҩныҵҟатәи аусқәа Рминистра аусеилыргаанӡатәи аамҭалатәи аԥхьакырҭа ахь днагоуп.

Read 32 times