Аԥсны аҩныҵҟатәи аусқәа рминистри Ареспублика Аԥсны иҟоу Урыстәыла аҩныҵҟатәи аусқәа Рминистрра аофициалтә хаҭарнак Сергеи Голенкови аиҿкаара аҭыжьратә лшарақәеи иҭнажьуа аалыҵи гәарҭеит. Анаплакы аинновациатә конструктортә ӡбамҭақәеи ҳаамҭа иақәшәо аматериалқәеи атехнологиақәеи рхархәарала хазхаҭалатәи акәылхьчара ахархәагақәа рҭыжьразы инагӡоу ацикл мҩаԥнагоит.

Аҭаара аҳәаақәа ирҭагӡаны, Роберт Кьиут анаука-ааглыхратә наплакы адиректор Хада Михаил Злыдневи аиҿкаара анапхгараҭареи  дырԥылеит.

Аиԥылараҿы Аԥсны аҩныҵҟатәи аусқәа Рминистрра Ирласны аҭакҟаҵаразы иҷыдоу аотриад аусзуҩцәа хазхаҭалатәи акәылӡхьчара ахархәагақәа рыла реиқәыршәара азҵаарақәа ирылацәажәеит.