Аҳәынҭқарра Ахада Константин Затулин иҭабуп ҳәа иеиҳәеит Аԥсны иаиҭо ганрацәалатәи адгыларазы.
«Шәара Аԥсназы иуадаҩыз аамҭақәа раан есқьынгьы ҳажәлар шәрыдгылан, атәыла аинтересқәа хьчо.
Шәара ҳмилаҭтә ԥыза ду, Аԥсны Аҳәынҭқарра Актәи Ахада Владислав Арӡынба шәидгылан. Иахьагьы ҳтәыла ганрацәалатәи ацхыраара ашәҭоит, уи азы иҭабуп ҳәа шәаҳҳәоит. Аԥсны жәлар ҳаҭыр шәықәырҵоит, есқьынгьы ҳрсепубликаҟны шәбара иеигәырӷьоит», — ҳәа иҳәеит Бадра Гәынба.
Аҳәынҭқарра Ахада Константин Затулин изеиӷьеишьеит агәабзиара, аихьӡарақәа.
