Аконцерт ҳаҭыр зқу асас иаҳасабала даҭааит Шьамтәыла акультура аминистр Муҳаммад Иасин Салех.

Аконцерт ахыркәшамҭаз аԥснытәи аделегациа ацәыргақәҵатә павилионқәа рахь идәықәлеит, араҟа имҩаԥысит Шьамтәыла акультура аминистр Муҳаммад Иасин Салехи атуризм аминистр Мазен аль-Салхани рԥылара.  

Аиԥылараҿы аганқәа акультуреи атуризми ахырхарҭақәа рыла русеицура иалацәажәеит, убри аан ҷыдала ахшыҩзышьҭра арҭеит акультуратәи атуристтәи  аимадарақәа.

Аиԥылара иалахәыз аҩгынктәи аизыҟазаашьақәа рырӷәӷәареи Аԥсни Шьамтәылеи апроектқәа реицынагӡара алыршареи рзы агәыӷра аадырԥшит.