Аҟәа ақалақь аҿы иаатит Фазиль Искандер ихьӡ зху Аҳәынҭқарратә аурыс драматә театр амузеи.

сегодня 23:18

Аҟәа ақалақь аҿы иаатит Фазиль Искандер ихьӡ зху Аҳәынҭқарратә аурыс драматә театр амузеи.

Аҟәа. Нанҳәамза 26, 2025 шықәса. Аԥсныпресс. Аҟәа ақалақь аҿы иаатит Фазиль Искандер ихьӡ зху Аҳәынҭқарратә аурыс драматә театр амузеи. Апроект нагӡоуп амузеи адиректор хада Кристина Трубина лаԥшьгарала афедералтә программа «Новый музей театра» аҳәаақәа ирҭагӡаны, Аԥсни Урыстәылеи ркультура аминиаррақәа иҟарҵаз адгылара иабзоураны.

Аекспозициа аҿы еиҭашьақәыргылоуп Фазиль Абдул-иԥа Искандер икабинет. Ари ҳџьынџьуаҩ ду ихьӡ иадҳәалоу раԥхьатәи «игәалашәара аҭыԥ» ауп. Ф. А. Искандер ихьӡ зху Акультуратә Центри (ақ.Москва) ашәҟәыҩҩы иԥшәԥҳәыси рыла иаанашьҭыз аматериалқәа уи иԥсҭазаареи ирҿиаратә мҩеи иԥсадгьыл иареи реимадареи ртәы ҳаилдыркаауеит.

Аусмҩаԥгатә иаҭааит Аҳәынҭқарра Ахада Бадра Гәынба, атәыла аԥыза-министр Владимир Делба, Жәлар Реизара-Апарламент Аиҳабы Лаша Ашәба.

Read 47 times