«Ари ахҭыс акырӡа аанагоит Аԥсни Санкт-Петербурги руааԥсыра рзы. Ҳара акыр ҵуеит ари аҩыза ахҭыс ҳазыԥшиижьҭеи, уи анагӡаразгьы аус еицаауан. Иахьа ҳара иаҳҳәар ҳалшоит Урыстәыла Ахада ишиашоу ала Аԥсныҟа аҳаиреимадара абжьаҵаразы иҟаиҵаз анапынҵа нагӡоуп.  Аҩганктәи аусуратә еимадарақәа шьҭарнахыс иӷәӷәоу аҿиара аимпульс роуеит, иаауа атуристцәа рхыԥхьаӡара иацлоит.  Ҳара еицынаҳагӡараны иҟоу аусқәа рхыԥхьаӡараҿы иҟоуп аҩ-калақьк рҳаирбаӷәазақәа русеицура активизациа азура», ҳәа Санкт-Петербург агубернатор Алеқсандра Беглов  иажәақәа аанагоит иара ипресс-маҵзура. 

Аҳаиртә традициа ишаԥу еиԥш аҳаирплан Амаршрут ҿыц ала раԥхьаӡа акәны иааз ишаԥу еиԥш аӡы ақәҭәаны иаԥылеит, раԥхьатәи апассаџьырцәа агәалашәаратә ҳамҭақәа ранашьахеит.

Санкт-Петербургынтәи ареисқәа мчыбжьык ахь ҩытә, абри аихшанҵа инақәыршәаны имҩаԥыслоит.:

– Аҟәантәи аҳаирплан ыҵԥраауеит ашьыжь, 09:15 рзы, Санкт-Петербург итәоит  асааҭ 13:30 рзы.

– Шьҭахьҟа иҵыԥраауеит асааҭ 15:00 рзы, Аԥсны аҳҭнықалақь аҿы итәоит асааҭ 19:15 рзы.

Аҟәатәи аҳаирбаӷәаза аадыртит лаҵарамза 1 азы 30 шықәса рышьҭахь. Раԥхьатәи апассаџьырцәа дырԥылеит Аԥсны ахада Бадра Гәынбеи Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенкои.

Иахьа Аҟәатәи аҳаирбаӷәаза аҟынтәигьы иара убас имҩаԥгахоит Москваҟа, Нижни-Новгород, Ханты-Мансиск, уҳәа ақалақьқәа рахь еиԥырҟьам ареисқәа.

Аҳаирбаӷәаза «Пулково» Аҟәатәи аҳаирьаӷәазеи рҳаиртә еимадара еиԥҟьан 1992 шықәсазы аԥсуа-қырҭуатә еиҿагылара аибарххара аныҟала ашьҭахь. 

Аҟәатәи аҳаирбаӷәаза 32-шықәса раахыс аусура аиԥҟьара ашьҭахь ҩаԥхьа иаартын ҳазҭоу ашықәс лаҵарамза акы азы. Уи ареконструкциа Урыстәылеи Аԥсни еицынарыгӡо проектны иҟалеит. 

2023 шықәсазы имҩаԥысыз Петербургтәи жәларбжьаратәи аекономикатә Форум аҿы Урыстәылатәи Афедерациеи Ареспублика Аԥсни Урыстәылатәи Афедерациа Ахада Урыстәылеи Аԥсни ишиашоу аҳаиреимадара рыбжьаҵара алыршаразы иҟаиҵаз адҵа аҳәаақәа ирҭагӡаны, Аҟәатәи Жәларбжьаратәи аҳаирбаӷәаза аиҭашьақәыргыларазы Аиқәшаҳаҭра рыбжьарҵеит.