Азакәан апроект абанкқәа ршәаратә лшарақәа реиҭашьақәыргылара иадҳәалоу аҭагылазаашьа аиҿкаара иазкуп.
Адепутат Дмитри Маршьан иажәақәа рыла, уажәазы Аԥсны иҟоу абанкқәа ԥшьба: «Леон банк», «ИнвестБанк», абанк «Престиж», «Афинанс-инвестициатә банк» алицензиақәа рымхуп. Урҭ руал ааидкыланы — 152,2 миллион мааҭ ыҟоуп.
Азакәан анрыдыркылалак ашьҭахь, иарбоу абанкқәа ирымхыз рлицензиақәа ԥхынҷкәынмза 31, 2026 шықәса анҵәамҭанӡа рырхынҳәра рылшоит.
