«Уажәанатә иубаратәы иҟоуп мҽхакы ҭбаала аусутә шыҟоу. Ахыб еиҭашьақәыргылатәуп, адренажтә система аусура рҽеитәуп, афымцамҩангагақәа хымԥада иԥсахтәуп, урҭ рҭагылазаашьа амузеи аҿы иҟоу аекспонатқәа ашәарҭара иҭанаргылоит», – ҳәа иҳәеит Дамир Гамсаниа.

Аҩны-амузеи акультура-ҭоурыхтә ҵакы ҳасаб азуны ҷыдала иацклаԥшны, амузеи анапхгараҭара аҭаххрақәеи ажәалагалақәеи азҿлымҳара аҭаны аиҭашьақәыргыларатә усурақәа рымҩаԥгара еиҿкаатәуп, ҳәа иԥхьаӡоит Шьаҭанкыла аргылара Аусбарҭа аиҳабы.  

Амузеи аҿы иара убас аҩныҵҟатәи ауадақәа рҽеихоит, аха убри аан, Дамир Гамсаниа иажәақәа рыла, «акыр зҵазкуа аелементқәа аханатә ишыҟаз еиԥш ааныжьра алыршатәуп».