«Аолимпиатә аҩра амш» азгәарҭеит Аҟәа ақалақь аҿы.

23.Рашәара.2025

«Аолимпиатә аҩра амш» азгәарҭеит Аҟәа ақалақь аҿы.

Аҟәа. Рашәарамза 23, 2025 шықәса. Аԥсныпресс. Ареспубликтә стадион аҿы ихацыркхеит атлетика лас азы иаарту ареспубликатә турнир «Аолимпиатә аҩра амш». Аицлабрақәа Жәларбжьаратәи Аолимпиатә амш» азгәаҭара иазкуп.

Аицлабрақәа рхы аладырхәуеит Аԥсны араионқәеи ақалақьқәеи рҟынтәи 200-ҩык инареиҳаны аспортсменцәа, ҳәа адырра ҟанаҵоит аҿари аспорти русқәа рзы Аҳәынҭқарратә Елакы.

Аицлабрақа рыпрограмма иалагалоуп аклассикатә атлетика лас адисциплинақәа: аҩра (аиԥхныҩлара) 100, 200, 300, 400 метра рҟынӡа.

Ҷыдала ахшыҩзышьҭра рыҭахоит аспортсмен ҿарацәеи аинклиузивреи. Зегь реиҳа иқәыԥшу алахәылацәа рзы еиҿкаауп 60 метра рҟынӡа инаӡо хазы игоу аҩра (аиԥхныҩлара). Аинклиузивтә аҩра адистанциа – убасҵҟьа 60 метр рҟынӡа инаӡоит.

Атурнир аиҿкаара рхахьы иргеит – Аԥсны аҿари аспорти русқәа рзы Аҳәынҭқарратә Еилаки Аԥсны атлетика лас Афедерациеи.

Read 47 times