Аԥсны аробототехника азы аицлабра "Атомтә код" алахәхаразы арзаҳалқәа рыдыркылара иалагеит.

19.Рашәара.2025

Аԥсны аробототехника азы аицлабра "Атомтә код" алахәхаразы арзаҳалқәа рыдыркылара иалагеит.

Аҟәа. Рашәарамза 19, 2025 шықәса. Аԥсныпресс. Аԥсны Курчатов ихьӡ зху аробототехника азы аицлабра «Атомтә код» алахәхаразы арзаҳалқәа рыдкылара иалагеит. Аицлабра мҩаԥгахоит Обнинск ақалақь аҟны рашәара 27 инаркны ԥхынгәы 4 рҟынӡа. Абри атәы иҳәеит акультура аминистр Даур Ақаҩба.

«Атомтә код» - ари ахәыҷқәеи аҿари рдырратә зҿлымҳарақәа рыҿиареи анџьныртә занааҭқәа рыларҵәареи иазку аҵаратә проектуп. Уи рхы аладырхәыр рылшоит 12 шықәса инаркны 17 шықәса рҟынӡа зхыҵуа ақәыԥшцәа.

Аԥснынтәи ҩыџьа аицлабра рхы аладырхәыр рылшоит.

Акультура аминистр иажәақәа рыла, аицлабра алахәхара алыршахеит афонд «АТР АЭС» аусеицура аҳәаақәа ирҭагӡаны Акционертә Еилазаара «Концерн Росэнергоатом» ацхыраарала.

Аҵаратә курсқәа рыпрограммаҿы иҟоуп аробототехникеи, апрограммаркреи, аелектроникеи рзы алекциақәеи апрактикатә ҵарақәеи. Иқәгылоит Москватәи аҳәынҭқарратә университет адоцент Мариа Салминеи аԥҵаҩы Андреи Бахметиеви.

Аицлабра алахәхаразы хымԥада аформа харҭәаатәуп рашәара 22-нӡа.

Read 71 times - Ахәаша, 20 Рашәара 2025 17:45