Иахәҭоу абаллқәа ззеизымгаз, аха убри аан апрофильтә маҭәарқәа рыла адырра бзиақәа аазырԥшыз 89-ҩык Аолимпиада алахәылацәа  доусы ирышьашәалоу ахырхарҭақәа рыла аҽазыҟаҵаратә курсқәа рахыԥхьаӡаларазы абжьгарақәа ҟаҵоуп.  

Иааизакны аолимпиада аихшьаалақәа рыла 142-ҩык алахәылацәа  ԥышәрада ААУ актәи акурс рахыԥхьаӡаларазы абжьгарақәа ҟаҵоуп.  

Сынтәа ашколхәыҷқәа Ролимпиада «Аҳаракырақәа рахь амҩа-2025» рхы аладырхәит ареспублика ақалақьқәеи араионқәеи зегьы рҟынтәи 450-ҩык инареиҳаны аҟыбаҩ злоу  ашколхәыҷқәа. Аолимпиада мҩаԥысуан 12 апрофилтә маҭәақәа рыла.  

Аолимпиада аҿы аиааира згаз аҳамҭақәа ранашьара ацеремониа рхы аладырхәит аҵара аминистр Хана Гәынба, ареспублика ақалақьқәеи араионқәеи аҵара аҟәшақәеи аусбарҭақәеи рнапхгаҩцәа.