Аҟәа. Рашәарамза 14, 2025 шықәса. Аԥсныпресс. Аԥсны аҩныҵҟатәи аусқәа Рминистрреи Аҳәынҭқарратә шәарҭадара Амаҵзуреи роперативтә маҵзурақәа дааныркылеит Жәлар Реизара-Апарламент ԥыхьатәи адепутат Адгәыр Ҳаразиа иҩны деихсит ҳәа игәҩароу 1992 шықәса рзы ииз Сурмаа Баграта Абесалом-иԥа, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.
Ацәгьоура ҟалеит ԥхынҷкәынмза 24, 2024 шықәса рзы. Усҟан аҳҭнықалақь агәаҿы игылоу Адгәыр Ҳаразиа иҩны 25-нтә еиҵамкәа еихсит. Ари ахҭыс ахьыҟалаз аҭыԥ аҿы ирыԥшааит зыхҭалашәара 5.45 мм. рҟынӡа инаӡо 21 гильза.
Сурмаа Баграт даанкылан ҳазҭоу ашықәс рашәарамза 14 рзы Аҟәа ақалақь аҿы.
