Аԥсны иҟоу Урыстәыла ацҳаражәҳәаҩ Михаил Шургалин еизаз зегьы бзиала шәаабеит ҳәа реиҳәеит.
«Урыстәыла Амш – ҳтәыла ихадоу аҳәынҭқарратә ныҳәоуп. Ҳара ҳтәылақәа – аидгылареи аиҩызареи зыбжьоу партниорцәоуп. Шәара иахьа еиҿаҳкааз аофициалтә дкылара шәахьаҭааз уи ҩаԥхьа ишьақәнарӷәӷәоит. Ирацәамзар ҟалап аҳәаанырцә иҟоу Урыстәылатәи ацҳаражәҳәарҭақәа абас еиԥш гәахәарыла уи еиҿнакааз аныҳәатә дкылара атәыла Ахада, аԥыза-министр, Апарламент Аиҳабы шаҭааз азгәаҭара зылшо. Ҳара ҳтәылақәа иалырхит аидгыларатә интеграциа амҩа», - ҳәа иҳәеит Михаил Шургалин.
Ахәҭакахьала, Аҳәынҭқарра Ахада Бадра Гәынба ацҳаражәҳәаҩ Михаил Шургалин, адипломатиатә Хаҭарнакра аусзуҩцәеи Урыстәылатәи Афедерациа атәылауаа зегьи ихадоу аҳәынҭқарратә ныҳәа –Урыстәыла Амш рыдиныҳәалеит!
«Жәаҳәарада, Урыстәылатәи Афедерациеи Аԥсни ирыбжьоу аусеицура – ари Аԥсны ажәлари анапхгареи рзы акырӡа аанагоит. Ҳара зегьы иҳабжьоу аусеицуеи аидгылареи рыҩаӡара ахә ҳаракны иаҳшьоит, арҭ аизыҟазаашьақәа наҟ-наҟ арӷәӷәареи арҭбаареи ҳазхиоуп», – ҳәа иҳәеит Аҳәынҭқарра Ахада.
