Ареспубликатә Унитартә Наплакы «Аԥснытәи Аихамҩеи» Иаарту Акционертә Еилазаара «Урыстәылатәи Аихамҩақәеи»» («РЖД») русеицуреи, иара убас аԥснытәи аихамҩа аинфраструктура аиӷьтәреи ирылҵшәаны, аҵыхәтәантәи хы-шықәса рыла ареспублика аҿы иныҟәо иалагеит иҿыцу апассаџьыртә дәыӷбақәа хԥа: афымцадәыӷба «Ласточка», атуристтә дәыӷба «Риҵа», иара убас афымцадәыӷба  «Диоскурия», ҳәа иазгәарҭеит Аԥснытәи аихамҩақәа рҿы.

«Диоскурия» Аԥсныҟа мышкала ҩынтә иаауеит: астанциа «Имеретинский курорт» асааҭ  10.35 рзы, иара убас асааҭ 20.25 рзы, Аҟәантәи идәықәлоит – асааҭ 05.40, асааҭ 16.20 рзы.

Адәыӷба амҩан иаанкылоит астанциақәа  «Абааҭа», «Гагрыԥшь», «Гагра», «Бзыԥҭа», «Гәдоуҭа», «Ԥсырцха», «Афон Ҿыц» рҿы.