Аҟәа. Лаҵарамза 5, 2025 шықәса. Аԥсныпресс. В.Арӡынба ихьӡ зху Арратә Ахьӡ-Аԥша амузеи аҿы Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра иазкны иаатит ацәыргақәҵа “Аиаааира акино.”
Аекспозициа иалалеит еиуеиԥшым атематикатә ҟәшақәа, уахь иаҵанакуеит Ахьӡ-Аԥша Амемориал, Аџьынџьтәылатәи еибашьра Дуӡӡа аамҭахәҭа иаҵанакуа акино, асоветтә кино, Урыстәылатәи Афедерациа акино, Аԥсны афырхацәа, арратә операторцәеи афырхацәа-актиорцәеи рзона.
Ацәыргақәҵа аҿы ицәыргоуп 500 инареиҳаны аекспонатқәа, урҭ рхыԥхьаӡараҿы иҟоуп амузеитә маҭәарқәа ркопиақәа: афильмқәа рзы аескизқәа, афотоматериалқәа, ахроника, аусшәҟәқәа рыхкьыԥхьқәа.
Аҟәшақәа зегьы афильмқәа рцыԥҵәахақәеи афотоматериалқәеи рыцуп, уи иабзоураны усҟантәи аамҭа агәылахалара еиҳа имариахоит.
