Ансамбль «Абаза» Санкт-Петербург имҩаԥысыз X Жәларбжьаратәи афестиваль «Невские встречи» аҿы аԥхьахәтә ҭыԥқәа ааннакылеит.

29.Мшаҧы.2025

Ансамбль «Абаза» Санкт-Петербург имҩаԥысыз X Жәларбжьаратәи афестиваль «Невские встречи» аҿы аԥхьахәтә ҭыԥқәа ааннакылеит.

Аҟәа. Мшаԥымза 29, 2025 шықәса. Аԥсныпресс. Санкт-Петербург ақалақь аҿы ихыркәшахеит аиубилеитә X Жәларбжьаратәи амилаҭтә культурақәа Рфестиваль «Невские встречи». Ари акыр зҵазкуа ахҭыс абар шьҭа жәантәны адунеи зегьы аҟынтәи аҟыбаҩ злоу ауаа еиднакылеит, убри аан атрадициақәа рыхкырцәара аиқәырхареи аӡыргареи рганахьала алагала ду ҟанаҵоит.

Афестиваль аҳәаақәа ирҭагӡаны х-номинациак: ажәлар рвокал; ажәлар рхореографиа; аинструменталтә ҟазара рҿы анагӡаҩ ҿарацәа рконкурс мҩаԥысит.

Ансамбль «Абаза», Адунеизегьтәи аԥсуа-база жәлар рконгресс адгыларала акатегориақәа зегьы рҿы иқәгылеит, убри аан зегьы рҿы аԥхьахәтә ҭыԥқәа ааннакылеит, аӡбҩцәеи ахәаԥшцәеи акыр иргәаԥхеит урҭ рықәгыларақәа, ҳәа адырра ҟанаҵоит Адунеизегьтәи аԥсуа-база жәлар рконгресс аофициалтә саит.

Read 125 times