Атәыла аҩныҵҟатәи аусқәа Рминистрра Ирласны анырра аҟаҵаразы Иҷыдоу аотриад ахаҭарнакцәа аҟазара-акласс мҩаԥыргеит: аруаа ахәыҷқәа иддырбеит рыррамаҭәа, ацәгьоуцәа раанкыларазы имҩаԥырго ауснагӡатәқәак, акәылӡкьаҿқәа рышәҵаны игәарҭеит.

Иҷыдоу аҭагылазаашьақәа рзы Аминистрра ахаҭарнакцәа еиуеиԥшым иҷыдалкаау аҭагылазаашьақәа раан ахымҩаԥгашьас иҟаҵатәу, раԥхьатәи амедицинатә цхыраара шыҟаҵатәу, иуадаҩу аҭагылазаашьақәа рҿы ашәара шаҭахым, уҳәа атәы еиҭарҳәеит.

Аҵыхәтәантәи аҿазыҟаҵара мҩаԥысраны иҟоуп Аҟәа ақалақь аҿы. Араҟа иазԥхьагәаҭоуп еиҳа инарҭбаау ақәгыларақәа. Ашколхәыҷқәа ирылшоит афырхацәа рабадырра, рыҿцәажәара, азҵаарақәа рыҭара.