Аҳәынҭқарра Ахада Бадра Гәынба Арӡынба В.Г. ихьӡ зху Жәларбжьаратәи аҳаирбаӷәаза официалла аартра иазку аныҳәатә усмҩаԥгатә аиҿкаара иазкны аилацәажәара мҩаԥигеит.

25.Мшаҧы.2025

Аҳәынҭқарра Ахада Бадра Гәынба Арӡынба В.Г. ихьӡ зху Жәларбжьаратәи аҳаирбаӷәаза официалла аартра иазку аныҳәатә усмҩаԥгатә аиҿкаара иазкны аилацәажәара мҩаԥигеит.

Аҟәа. Мшаԥымза 25, 2025 шықәса. Аԥсныпресс. Арӡынба В.Г. ихьӡ зху Жәларбжьаратәи аҳаирбаӷәаза «Аҟәа» официалла аартра иазку аныҳәатә усмҩаԥгатә аиҿкаареи 2025 шықәса лаҵарамза 1 азы иазԥхьагәаҭоу Москва ақалақь аҟнытә актәи ареис аареи рызҵаарақәа инарымаданы Арӡынба В.Г. ихьӡ зху Жәларбжьаратәи аҳаирбаӷәаза «Аҟәа» имҩаԥысит Аԥсны Аҳәынҭқарра Ахада Гәынба Бадра хантәаҩра ззиуаз аилацәажәара.

Аилацәажәараан ирыхәаԥшеит актәи ареис адкылара аҽазыҟаҵара аспектқәа зегьы, ашәарҭадара алыршара налаҵаны: Ирылацәажәеит апассаџьырцәеи аҳаирбаӷәаза аусзуҩцәеи ршәарҭадара, иара убас аҳаирбаӷәаза зыԥну адгьылҵакыраҟны ауаажәларратә зинлеишәа ралыршара;

Аҳазалхратә, аҳәаахьчаратә, аконтроль егьырҭ ахкқәа реиҿкаара:

Атрансопрт аиура алыршара: Ирылацәажәан аҳаирбаӷәазеи Аҟәа ақалақьи рыбжьара иара убас ареспублика ауааԥсыра ахьынхо егьырҭ аҭыԥқәагьы атранспорттә еимадара аиҿкаара азҵаарақәа.

Аҳаирбаӷәаза амаҵзурақәа русура аиҿкаара: Ирыхәаԥшуп аҳаирбаӷәаза амаҵзурақәа еиԥҟьарада русурақәа ралыршара, аҽҭаҩра, абагаж, акрыфара уҳәа егьырҭ амаҵзурақәа алаҵаны.

Аԥкаанҵатә усмҩаԥгатәқәа: Ирылацәажәоуп актәи ареис аԥылара иазку аныҳәатә усмҩаԥгатә амҩаԥгара хәҭа-хәҭала.

Аҳәынҭқарра Ахада аҭакзыԥхықәу ахаҿқәа зегьы иалкаау анапынҵақәа риҭеит актәи жәларбжьаратәи авиареис адкылареи апассаџьырцәа рзы аҭагылазаашьа бзиақәа раԥҵареи аҩаӡара ҳаракыла аиҿкаара алыршаразы.

Read 328 times - Асабша, 26 Мшаҧы 2025 16:35