Аиааира згаз – амузыкеи ажәақәеи равторцәеи анагӡаҩи аԥаратә ҳамҭақәеи адипломқәеи ранашьахоит, иреиӷьу арҿиамҭақәа Аԥсны Раԥхьатәи Ахада Владислав Арӡынба ишықәс ахыркәшаратә усмҩаԥгатә аан инарыгӡоит.

Аӡбаҩцәа реилазаара апрофессионалтә музыкантцәа рыла ишьақәгылазаауеит.

2025 шықәса ареспубликаҿы Владислав  Арӡынба ишықәсны ирылаҳәоуп. Аконкурс Владислав Арӡынба диижьҭеи 80 шықәса аҵра иазкны атәылаҿы имҩаԥысуа агәалашәаратә усмҩаԥгатәқәа рҳәаақәа ирҭагӡаны еиҿкаахоит.  

Аконкурс ахықәкы — иналукааша аполитикатәи аҳәынҭқарратәи аусзуҩ, аҵарауаҩ ду, аҭоурыхтә ҭҵаарадыррақәа рдоктор, «Ахьӡ-Аԥша» I аҩаӡара аорден занашьоу, Аԥсны Афырхаҵа, Аԥсны Раԥхьатәи Ахада Владислав Григори-иԥа Арӡынба ихьӡ анаунагӡатәра ауп.  

Владислав Арӡынба – аҳәынҭқарратә усзуҩ, Аԥсны Раԥхьатәи Ахада диит 1945 шықәса лаҵара 14 рзы, Аҟәа араион, Алада-Ешыра ақыҭан.