Иҭахаз ргәаладыршәарц арахь имҩахыҵит Аҳәынҭқарра Ахада Аслан Бжьаниа, Аҳәынҭқарра Ахада Ихаҭыԥуаҩ Бадра Гәынба, Жәлар Реизара-Апарламент Аиҳабы Лаша Ашәба, аԥыза-министр Алеқсандр Анқәаб, Аҳәынҭқарра Ахада Иусбарҭа Аиҳабы Џьансыхә Нанба, ашәарҭадара Ахеилак Амаӡаныҟәгаҩ Сергеи Шамба, Жәлар Реизара-Апарламент адепутатцәа, атәыла Анапхгара ахаҭарнакцәа, Аԥсны иҟоу Урыстәылатәи Афедерациа аҷыдалкаатә зинмы змоу Ацҳаражәҳәаҩ Михаил Шургалин, Аԥсны иҟоу Аахыҵ Уаԥстәыла Ацҳаражәҳәаҩ Олег Бациев, Приднестровтәи Молдавтәи Ареспублика Ахаҭарнакра Ахада Гарри Кәыпалба, аибашьра аветеранцәа, иҭахаз рыуацәеи рҭынхацәеи, ауаажәларратә еилазаара ахаҭарнакцәеи, ашколхәыҷқәа, астуденцәа, ақалақь ауааԥсыреи аҳҭнықалақь иаҭааз асасцәеи.
30.Цәыббра.2022
АХЬӠ-АԤША АПАРК АҾЫ АԤСНЫ ЖӘЛАР РЏЬЫНЏЬТӘЫЛАТӘИ ЕИБАШЬРА АҾЫ ИҬАХАЗ РМЕМОРИАЛ АМҴАН АШӘҬ ШЬЫҴӘРАҚӘА РЫШЬҬАҴАРА АЦЕРЕМОНИА МҨАԤЫСИТ.
Аҟәа. Цәыббрамза 30, 2022 шықәса. Аԥсныпресс. Иахьа Аԥсны Қырҭтәыла аҳәынҭсовет архәҭақәа рҟынтәи ахақәиҭтәра Амш 29 шықәса ахыҵуеит. Цәыббрамза 30 рзы Ареспублика аҿы Аиааиреи Ахьыԥшымреи Рымшныҳәа азгәарҭоит.
Ахьӡ-Аԥша апарк аҿы 1992-1993 шш. Аԥсны жәлар рџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара иадҳәалоу ацеремониа мҩаԥысит.
