Аҟәа. Мшаԥымза 2, 2025 шықәса. Аԥсныпресс. Приднестровтәи Молдавтәи Ареспублика Ахада Вадим Красносельски Бадра Гәынба Аҳәынҭқарра Ахада имаҵура иахагылара идиныҳәалеит.
Идныҳәалараҿы Приднестровтәи Молдавтәи Ареспублика Ахада иазгәеиҭеит Бадра Гәынба иалхра ажәлар рыгәрагареи уи инапхгарала аҳәынҭқарра асуверенитет арӷәӷәара шалыршахо азы агәыӷреи арҵабыргуеит ҳәа иазгәеиҭеит.
«Аԥсны — аҭоурых ду, еицамкуа адоуҳамчи ибеиоу акультуратә ҭынхеи змоу ҳәынҭқарроуп. Агәра ганы сыҟоуп шәара шәнапхгарала ишаартхо ареспублика аҿиара азы иҿыцу аперспективақәа, уи атәылауаа реизҳазыӷьареи аҳәынҭқарра адунеитә арена аҿы ароль ашьҭыхреи шаланаршо», — ҳәа инаҵшьны иазгәеиҭеит Вадим Красносельски.
Адныҳәалараҿы ҷыдала ахшыҩхышьҭра аҭоуп приднестровтәи-аԥснытәи аизыҟазаашьақәа рыҿиара. Молдавтәи Приднестровтәи Ареспублика Ахада аҩ-ганктәи аидгылара иаҵоу аҵакы азгәаҭо, еиуеиԥшым аусхкқәа рҿы аҩ-ҳәынҭқаррак русеицура активизациа шалыршахо азы агәыӷра ааирԥшит.
«Агәра сгоит шәара шәылшареи шәыстрадегиатә дунеихәаԥшышьеи ажәлар ринтерессқәа разҿлымҳареи ирыбзоураны атәылауаа ргәазыҳәхарақәа рынагӡара адагьы, ҳҳәынҭқаррақәа реизыҟазаашьақәа рыҩаӡара ашьҭыхрагьы шалыршахо», — ҳәа иазгәеиҭеит Вадим Красносельски.
Иара убас Приднестровтәи Молдвтәи Ареспублика Ахада Бадра Гәынба изеиӷьаишьеит агәабзиара , агәамч, аҭакԥхықәра зцу иусура аҿы ақәҿиарақәеи аманшәалареи.
