Аҟәа. Мшаԥымза 2, 2025 шықәса. Аԥсныпресс. Владимир Путин Бадра Гәынба Ареспублика Аԥсны Ахада имаҵура дахьахагылаз идлиныҳәалеит.
Адныҳәаларатә цҳамҭа атекст даԥхьеит Урыстәыла Ахада Иусбарҭа Анапхгаҩы Актәи ихаҭыԥуаҩ Сергеи Кириенко:
«Ҳаҭыр зқәу Бадра Зураб-иԥа, Аԥсны Аҳәынҭқарра Ахада имаҵура шәахагылара инамаданы гәык-ԥсыкала сшәыдныҳәалоит. Ҳтәылақәа рыбжьара аизыҟазаашьақәа аиҩызареи аусеицуреи рҳәаақәа ирҭагӡаны аринхысгьы аҿиара рымазароуп. Агәра ганы сыҟоуп Шәара Аҳәынҭқарра Ахада имаҵура аҿы шәусура иарбоу аизыҟазаашьақәа анаҩсгьы рырӷәӷәара ишацхраауа. Аԥсни Урыстәылеи рыиашьаратә жәларқәа ирзеиԥшу аҭоурых рымоуп.
Ҳара зегьы ҳзы иҷыдоу аҵакы амоуп, ус иагаанхоит Аџьынџьтәылтәи еибашьра Дуӡӡа аҿы Аиааира агара Амш. Ари ихадаӡоу арыцхә азгәаҭо, аԥсуааи аурысцәеи ҳаҭырла иргәаладыршәоит афырхацәа еиҳабацәа, аиааирагаҩцәа рабиԥара. Ааԥхьара шәысҭоит Москва, лаҵарамза 9, 2025 шықәса рзы Аиааира Дуӡӡа 80-шықәса ахыҵра иазкны имҩаԥгахо аныҳәатә усмҩаԥгатәқәа рылахәхаразы. Ари аныҳәатә мшы азы Урыстәыла аҳҭнықалақь аҿы шәбара гәахәарыла исыдыскылоит».
