Адныҳәалараҿы, ахәҭакахьала иазгәаҭоуп:

«Ҳаҭыр зқәу Бадра Зураб-иԥа, ишәыдышәкыл Аԥсны Аҳәынҭқарра Ахада иалхрақәа рҿы ижәгаз аиааира азы сара сҟынтәи гәык-ԥсыкала иҟаҵоу адныҳәалара. Ажәлар рхы иақәиҭны ргәазыҳәара аарԥшрала имҩаԥысыз алхрақәа рҟны аиааира ишьақәнарӷәӷәеит Аԥсны атәылауаа аҩнуҵҟатәи аполитикатә ҭышәынтәалареи атәыла еиҳа-еиҳа иҳаракхо асоциал-економикатә ҿиареи рзы Шәара илышәхыз амҩа ишадгыло. Агәра сгоит аҩтәылак рыбжьара аиҩызаратәи аусеицуратәи еизыҟазаашьақәа аԥхьаҟагьы ишдырӷәӷәало аҩжәларык ирзеиӷьу аԥеиԥш азы», — ҳәа иаҳәоит ателеграмма атекст аҿы.

Владимир Путин Бадра Гәынба изеиӷьаишьеит агәабзиара, агәамч, аихьӡарақәеи аизҳазыӷьареи.  

Хәажәкырамза 1 рзы имҩԥысыз Аҳәынҭқарра Ахада иалхрақәа аҩбатәи атур аҿы рыбжьы арҭеит 70% алхыҩцәа. Урҭ рахьынтә Бадра Гәынба иоуит 54,73% абжьқәа. Уи рыбжьы ирҭеит   - 54 954-ҩык.