Print this page
18.Жәабран.2025

Аԥсны Алхратә комиссиа Хада Аҳәынҭқарра Ахада иалхрақәа аихшьаалатә лҵшәақәа шьақәнарӷәӷәеит.

Аҟәа. Жәабранмза 18, 2025 шықәса. Аԥсныпресс. Аԥсны Алхратә комиссиа Хада жәабранмза 15, 2025 шықәса рзы имҩаԥысыз Аҳәынҭқарра Ахада иалхрақәа аихшьаалатә лҵшәақәа шьақәнарӷәӷәеит.

Алхратә комиссиа Хада аӡбамҭа ала абарҭ аихшьаалатә лҵшәақәа шьақәнарӷәӷәеит: Алхратә комиссиақәа ироуз алхратә биуллетенқәа рзеиԥш хыԥхьаӡара – 139 225 цыра.

Иқәгаз абиуллетенқәа рхыԥхьаӡара – 40 433 цыра.

Алхыҩцәа рсиақәа ианыз алхыҩцәа рзеиԥш хыԥхьаӡара – 143 960 цыра.

Абжьыҭаразы абиуллетенқәа знапы иаркыз  алхыҩцәа  рзеиԥш хыԥхьаӡара – 98 792 ҩык.

Абжьыҭара зхы алазырхәыз алхыҩцәа рзеиԥш хыԥхьӡара – 98 790 -ҩык.

Аҳәынҭқарра Ахадарахь акандидат Адгәыр Арӡынба Амиран-иԥа изы зыбжьы азҭаз – 36 476 - ҩык (36,92%).

Аҳәынҭқарра Ахадарахь акандидат Аршба Роберт Иван-иԥа изы зыбжьы азҭаз – 7 434-ҩык (7,53%).

Аҳәынҭқарра Ахадарахь акандидат Барцыц Олег Мсас-иԥа изы зыбжьы азҭаз – 3 988-ҩык (4,04%).

Аҳәынҭқарра Ахадарахь акандидат Гәынба Бадра Зураб-иԥа изы зыбжьы азҭаз – 45 817-ҩык (46,38%).

Аҳәынҭқарра Ахадарахь акандидат Хәырхәмал Адгәыр Вадим-иԥа изы зыбжьы азҭаз – 896-ҩык (0,91%).

Аҳәынҭқарра ахадарахь акандидатцәа зегьы ирҿагылаз рзеиԥш хыԥхьаӡара – 1 381-ҩык. Иԥхасҭоуп ҳәа иԥхьаӡоу абиуллетенқәа рзеиԥш хыԥхьаӡара – 2798 цыра.                                                          

Ареспублика Аԥсны Ахада иалхрақәа аҩбатәи атур ахь инеит еиҳа абжьы зауз ҩыџьа акандидатцәа: Ардӡынба Адгәыр Амиран-иԥеи Гәынба Бадра Зураб-иԥеи.

Алхратә комиссиа Хада аӡбамҭа ала, Аҳәынҭқарра Ахада иалхрақәа аҩбатәи атур мҩаԥысуеит хәажәкырамза 1, 2025 шықәса рзы.  


Read 371 times