Аппаратқәа зегьы аҿыхны Аԥсны Аҳәынҭстандарт ашьҭаҵарҭа ахь инагоуп.
20.Ԥхынҷкәын.2024
Агәыӡера аҳаблаҿы акритовалиута арҳара азы аппаратқәа ааба рыԥшааит.
Аҟәа. Ԥхынҷкәынмза 20, 2024 шықәса. Аԥсныпресс. Изакәанымкәа акриптовалиута арҳара аҿагылара азы имҩаԥгаз апрофилактикатә усмҩаԥгатәқәа ирылҵшәаны, Гәылрыԥшь араион аҩныҵҟатәи аусқәа рыҟәша аусзуҩцәа ирыԥшааит амхрагьы мҩаԥыргеит акриптовалиута арҳара иазку амаининг-аппаратқәа ааба. Аиқәыршәагақәа шьақәыргылан Агәыӡера аҳабла, Курчатов имҩала игылоу аҩны № 184 аҿы. Аппаратқәа рыԥшәма - Федонников Виктор Михаил-иԥа иоуп.
