Аԥсны Анапхгара, Аҳәынҭқарра Ахада, Аҳәынҭқарра Ахада Ихаҭыԥуаҩ, атәыла аԥыза-министр, атәыла Анапхгара алахәылацәа, зегьы рҭыԥқәа рҿы иҟоуп, урҭ аринахысгьы русура нарыгӡалоит. Убри аҟнытә аҳәара ҟасҵоит, апровокациақәа шәыҽрышәымҭан. Сара Аԥсны сыҟоуп, ҳара аринахысгьы аџьабаа ҳбалоит арҭ ахҭысқәа рылҵшәақәа раԥыхразы. Иҭабуп ҳәа шәасҳәоит зегьы, апагонқәа ныҟәызгогьы уахь иналаҵаны, исышәҭо адгылара азы», – ҳәа иҳәеит Аслан Бжьаниа.
