Екатерина Шьаҟрыл дахьынхоз аҩны ахаҿратә ган аҿы амемориалтә ӷәы шьақәдыргылеит.

23.Жьҭаара.2024

Екатерина Шьаҟрыл дахьынхоз аҩны ахаҿратә ган аҿы амемориалтә ӷәы шьақәдыргылеит.

Аҟәа. Жьҭаарамза 23, 2024 шықәса. Аԥсныпресс. Еицырдыруа аԥсуа ҵарауаҩ, иналукааша арҵаҩы, активла аԥсуа жәлар рмилаҭ-хақәиҭратә қәԥара иалахәыз Екатерина Платон-иԥҳа Шьаҟрыл (23.10.1924 ш. – 25.10.2010 ш) дахьынхоз аҩны №94 ахаҿратә ган аҿы амемориалтә ӷәы шьақәдыргылеит.

Екатерина Платон-иԥҳа Шьаҟрыл лгәалашәара иазкыз амитинг аҿы иқәгылеит афилологиатә наукақәа рдокор, апоет Владимир Занҭариа, Аԥснытәи аҳәынҭқарратә Университет аректор Алеко Гәарамиа, Д. И. Гәлиа ихьӡ зху Аԥснытәи агуманитартә ҭҵаарақәа рзы Аинститут адиректор Арда Ашәба, уҳәа ауаажәларра, аҵарауаа реилазаара рхаҭарнакцәа.

Read 161 times