Аиқәрхаҩцәа аннеи Татиана Вухрева раԥхьатәи амедицинатә цхыраара лырҭеит. Анаҩс уи Гагратәи араионтә хәышәтәырҭахь днаргеит.
Ачымаҩ левакуациа аан акыр ацхыраара ҟаиҵеит Гагра араион Псахасара ақыҭа ахада.
17.Цәыббра.2022
АИҚӘЫРХАҨЦӘА АИБӶА АҚЫҬАНТӘИ ЗГӘЫ РАХӘЫМХАЗ АԤҲӘЫС АХӘЫШӘТӘЫРҬАХЬ ДНАРГЕИТ.
Аҟәа. Цәыббрамза 17, 2022 шықәса. Аԥсныпресс. Цәыббрамза 16 рзы Аԥсны Иҷыдоу аҭагылазаашьақәа рзы Аминистрра Гагра ақалақьтәи аҟәша аԥыԥшырҭа-еиқәырхаратә Отриад аԥсеиқәырхаҩцәа ироуз адырра ала Гагра араион Аибӷа ақыҭахь амҩа иқәлеит. Аԥсны Иҷыдоу аҭагылазаашьақәа рзы Аминистрра апресс-маҵзура иҟанаҵо адыррақәа рыла, Луганск ақалақь аҿы инхо, аха уажәы Аибӷа ақыҭаҿы иҟаз 1978 шықәса рзы ииз Вухрева Татиана Иури-иԥҳа илымаз агәаҵәачымазара ахҟьаԥҟьа лызцәырҵра иахҟьаны иаарласны ахәышәтәырҭахь днагатәхеит.
