Урыстәылантәи Аԥсныҟа иаауаз автомашьына HYUNDAI SALARIS агәаҭараан, аҳазалхра аусзуҩцәа амашьына аидараҭыԥ аҿы ирыԥшааит 1 010 пачка рҟынӡа акцизатә дырга змамыз асигареҭ. Амашьына аԥсҟы икын Урыстәыла атәылауаҩ Заргарианц А.А. Уи амашьынаҿы дицҭатәан апассаџьыр – Аԥсны атәылауаҩ Ҳалуашь И.С., анаҩс ишеилкаахаз ала, аҭаҭын аалыҵ зтәыз лара лакәын.
Ари аус азы аматериалқәа Аԥсны Аҳәынҭқарратә ҳазалхратә Еилакы аусҭҵаареи аусеилыргареи рыҟәша ахь идәықәҵахеит.
