Аҟәа. Нанҳәамза 26, 2024 шықәса. Аԥсныпресс. Имҩаԥысит Аԥсны Ахада Аслан Бжьаниеи Урыстәыла Ашәарҭадара Ахеилак Ахантәаҩы Ихаҭыԥуаҩ Дмитри Медведеви ҭелла реиҿцәажәара.
Дмитри Медведев Аслан Бжьаниа Урыстәылатәи Афедерациа аганахьала Аԥсны Аҳәынҭқарра ахьыԥшымра Жәларбжьаратәи азхаҵара амш идиныҳәалеит.
Аиҿцәажәараҿы иҳәан аԥсны-урыстәылатзи аиҩызаратә еизыҟазаашьақәа аԥхьаҟагьы рыҿиара ишазхиоу атәы.
Аԥсны Аҳәынҭқарра Ахада ҷыдала иазгәеиҭеит Аԥсны жәлар ишырхамышҭуа исуверентәу, ихьыԥшым Аԥсны Аҳәынҭқарра азхаҵара аус аҟны Дмитри Медведев хаҭалатәи илагаламҭа.
