Print this page
05.Рашәара.2024

Хәымз рыла Аԥсны абиуџьеҭ иалагалахеит 1,8 млрд. мааҭ ашәахтәқәа.

Аҟәа. Рашәарамза 5, 2024 шықәса. Аԥсныпресс. 2024 шықәса хәымз рыла Аԥсны абиуџьеҭ 1823,7 млн. мааҭ ашәахтәқәа алагалахеит.  Убри аан планла ишьақәыргылан 1584,2 млн. мааҭ. Анагӡара  115% рҟынӡа инаӡоит, ҳәа адырра ҟанаҵоит Аԥсны ашәахтәқәеи аизгақәеи Рминистрра апресс-маҵзура.

Аплан ахыхь инагӡаз ашәахтә шәатәқәа реицҵалыҵ 239,5 млн. мааҭ.  2023 шықәсазы аиԥш-зеиԥшу аамҭахәҭазы инагӡаз ашәахтә шәатәқәа 114% рҟынӡа инаӡон, уи аицҵалыҵ 230,2 млн. мааҭ рҟынӡа инаӡон.  

2024 шықәса хәымз рыла имҩаԥгаз ашәахтә шәатәқәа араионқәа рыла абасала ишьақәгылеит:

Аҟәа ақалақь ала – планла ишьақәыргылаз 914,8 млн. мааҭ ала иалагалахеит  944,1 млн. мааҭ, даҽакала иуҳәозар - 103%.

Гагра араион ала – планла ишьақәыргылаз 342,5 млн. мааҭ  ала иалагалахеит  443,6 млн. мааҭ, даҽакала иуҳәозар -130%.

Гәдоуҭа араион ала – планла ишьақәыргылаз 109,6 млн. мааҭ  ала иалагалахеит 149,9 млн. мааҭ, даҽакала иуҳәозар - 137%.

Аҟәа араион ала – планла ишьақәыргылаз 38,9 млн. мааҭ  ала иалагалахеит 75,3 млн. мааҭ, даҽакала иуҳәозар - 194%.

Гәылрыԥшь араион ала – планла ишьақәыргылаз 47,4 млн. мааҭ  ала иалагалахеит 62,6 млн. мааҭ, даҽакала иуҳәозар - 132%.

Очамчыра араион ала – планла ишьақәыргылаз 97,3 млн. мааҭ  ала иалагалахеит 101,8 млн. мааҭ, даҽакала иуҳәозар - 105%.

Ҭҟәарчал араион аҿы – планла ишьақәыргылаз 12,9 млн. мааҭ  ала иалагалахеит 18,9 млн. мааҭ, даҽакала иуҳәозар - 146%.

Гал араион ала – планла ишьақәыргылаз 20,8 млн. мааҭ  ала иалагалахеит 27,3 млн. мааҭ, даҽакала иуҳәозар - 131%.  


Read 227 times - Аԥшьаша, 06 Рашәара 2024 12:48