Print this page
09.Нанҳәа.2022

НАНҲӘАМЗА 14 РЗЫ АԤСНЫТӘИ АДРАМАТӘ ТЕАТР АҾЫ РАԤХЬАӠА АКӘНЫ ИҞОУП ГӘЫНДА САҚАНИА ЛАЖӘАҚӘА РЫЛА НОДАР ҶАНБА ИАԤИҴАЗ «АРЕКВИЕМ» НАГӠАХОИТ.

Аҟәа. Нанҳәамза 9, 2022 шықәса. Аԥсныпресс.  Нанҳәамза 14 рзы Аԥсны иазгәарҭоит агәалашәареи алахьеиқәҵареи рымш. 30 шықәса раԥхьа, нанҳәамза  14, 1992 шықәсазы иалагеит Аԥсны жәлар рџьынџьтәылатәи еибашьра.  

Нанҳәамза 14, асааҭ 16:00 рзы С. Ҷанба ихьӡ зху Аԥсны аҳәынҭқарратә драматә театр аҿы инагӡахоит акомпозитор Нодар Ҷанба иаԥиҵаз «Ареквием», ҳәа адырра ҟанаҵоит акультура Аминистрра апресс-маҵзура. «Ареквием» иалалеит аԥсуа поетесса Гәында Сақаниа лажәеинраалақәа.

Арҿиамҭа Урыстәыла-кавказтәи аибашьра иахҟьаны зыԥсадгьыл ааныжьны имцар ада ԥсыхәа змауз аԥсуаа рҭоурых ианылаз атрагедиатә даҟьақәа ирызкуп. Иара убри аамҭазы, Ареквием аҿы иҟам агәыӷрадара. Уимоу, уи Аԥсадгьыл-ан  ааԥхьарала аԥсуаа рабацәеи рабдуцәеи рыдгьыл ахь ишыхынҳәуа азы агәыӷра аныԥшуеит.

 

 


Read 639 times - Ахаша, 07 Цәыббра 2022 13:27