Аҟәа. Мшаԥымза 3, 2024 шықәса. Аԥсныпресс. Жәлар Реизара-Апарламент адепутатцәа Аҳәынҭқарра Ахада зыдгалара мҩаԥигаз Ареспублика Аԥсны Гагра араион аӡбарҭеи Арратә ӡбарҭеи рыӡбаҩцәа рмаҵураҭыԥ аанкыларазы акандидатурақәа иахәаԥшит.
Аҳәынҭқарратә политика азы апарламенттә Еилакы ахантәаҩы Дауҭ Ҳагба Аилак аилатәара аҿы арҭ акандидатурақәа рылацәажәара мҩаԥган, урҭ ақәыршаҳаҭра роуит ҳәа иазгәеиҭеит.
Имаӡоу абжьыҭира алҵшәақәа рыла, Саида Амҷба Арратә ӡбарҭа аӡбаҩыс далырхит. Уи лкандидатура азы рыбжьы арҭеит 26-ҩык адепутатцәа, аӡәы – мап икит.
Гагра араион аӡбарҭа аӡбаҩыс Лиана Агрба лкандидатура иахәҭоу абыжьқәа амоуӡеит. Уи рыбжььы лырҭеит 13-ҩык адепутатцәа, мап ркит – 14-ҩык.
