Аҟәа. Мшаԥымза 2, 2024 шықәса. Аԥсныпресс. Мшаԥымза 6 инаркны мшаԥымза 9 аҟынӡа ски-альпинизм азы Арратә жларбжьаратәи ахәмаррақәа - 2024 «Саянский марш» мҩаԥгахоит.
«Саянский марш» алахәхаразы Абакан ицеит Аԥсны, Иран, Киргизиа, Китаи, Узбекьысҭан, Аахыҵ Уаԥстәыла рҟынтәи аруаа ркомандақәа.
Аицлабрақәа мшаԥымза 6 азы Красноиарсктәи атәылаҿацә, Мраҭашәаратәи Саиантәи ашьхара аҿы иҟоу Арратә округ Хада иатәу арра-спорттә зыҟаҵара Ацентр «Ергаки» абазаҿы ирылагоит.
Жәларбжьаратәи арратә конкурс иалаху аҳәынҭқаррақәа рхаҭарнакцәа рзы Абакан аҳаирбаӷәаза аҿы аныҳәатә дкылара еиҿкаахеит. Инагӡан атәылақәа ргимнқәа.
Аԥснынтәи «АрМИ – 2024» иалахәхо аруаа аицлабрақәа ахьымҩаԥгахо Красноиарсктәи атәылаҿацә ахь инаргеит.
Аицлабрақәа ралагара амш аҟынӡа аруаа зегьы амедицинатә гәаҭара, аконкурс аетапқәа рхысразы аинструктортә зыҟаҵарақәа ирхысны аҽазыҟаҵарақәа ирылагоит.
