Ажәабжьқәа

Популярное

“Князь Владимир” Аҟәаҟа иааит

495
02.12.2019 10:28
“Князь Владимир” Аҟәаҟа иааит
Акруизтә лаинер “Князь Владимир” Аҟәатәи амшынтә баҕәаза иҭалеит.

Аҟәа. Ҧхынҷкәынмза 2. Аҧсныпресс. Ҭамара Ачҧҳа. Урыстәылатәи акруизтә лаинер “Князь Владимир” Аҟәатәи амшынтә баҕәаза иҭалеит.

Акруизтә лаинер Аҟәатәи амшынтә баҕәаза аҿы иазыҧшын ашьыжь, асааҭ 7:00 рзы.  Аха аҳҭнықалақь амшынтә баҕәаза аҕба иазҧхьагәаҭаз аамҭа маҷк иагханы, асааҭ 9:40 рзы иҭалеит. Уи иаҧылеит аҳазылхратә хылаҧшра аусзуҩцәа, Аҧснытәи амшынтә ҕбаныҟәара ахаҭарнакцәа, иара убас ақалақь ауааҧсыра.

Ари алаинер аҧхьатәи аҧышәатә реис ауп, уи иалагӡаны аекипаж амаршрут апроцедурақәа зегьы – ареид аҿы агылара, аҳазылхратәи аҳәаахьчаратәи процедурақәа рахысра , уҳәа аҧышәатә гәаҭарақәа мҩаҧыргароуп.


(АП): 2019 шықәсазы аҳәынҭқарратә Еилакы “Аҧсны амшынтә ҕбаныҟаәареи” Зҭакҧхықәра ҳәаарку Аилазаара “Амшынеиқәатә круизқәеи” рыбжьара аусеицуразы знапаҵыҩра мҩаҧысыз Аиқәшаҳаҭра инақәыршәаны, 2020 шықәсазы Аҧсни Урыстәылеи амшынтә баҕәазақәа рыбжьара акруизтә еимадара аартхоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа