Ажәабжьқәа

Популярное

Гәдоуҭа араион Аацы ақыҭаҿы имҩаԥысит Аԥсны Аҳәынҭқарра аспорт азҟаза Тенгиз Ԥандариа игәалашәара иазку зхы иақәиҭу ақәԥаразы Ареспубликатә еилцабра.

448
29.03.2013 17:13

Гәдоуҭа араион Аацы ақыҭаҿы имҩаԥысит Аԥсны Аҳәынҭқарра аспорт аҟаза Тенгиз Ԥандариа игәалашәара иазку зхы иақәиҭу ақәԥаразы Ареспубликатә еилцабра.

Аԥсны ахада дзыхьчоз Ҭенгиз Ԥандариа дҭахеит Аԥсны ахада Александр Анқәаб иҭархаразы 2012 шықәса жәабранмза 22 рзы иҟаҵаз аҽазышәараҿы иоуз ахәрақәа ирыхҟьаны.

Ҭенгиз Ԥандариа Аацы ақыҭаҿы диит. Ашкол ахь данныҟәоз инаркны уи зхы иақәиту ақәԥара иҽазыҟаиҵон Гәдоуҭатәи аспорттә школаҿы Аԥсны еицырдыруа азыҟаҵаҩ Ӡука Бениа иҿы. Зныкымкәа Аԥсны ачемпионс дҟалахьан. Занааҭс ишьҭихызгьы уи иадҳәалан: ашкол даналга ашьҭахь Ҭенгиз ААУ абҩарҵәыратә факультет дҭалеит. Иериҳау аҵараиурҭа даналга ашьҭахь иқыҭа гәакьа ашкол аҿы рҵаҩс аусура далагеит.

Ҭенгиз Ԥандариа иира амш аҽны аацытәи ашкол аҿы ауааԥсыра рацәаҩны еизеит. Уахь инеит иуацәа, иҩызцәа, ицеибашьуаз, аус ицызуаз, аспорт аусзуҩцәа, Гәдоуҭа араион ахадара, Гәдуоҭеи, Аҟәеи Аацы ақыҭеи рҟынтәи зхы иақәиҭу ақәԥаразы х-командак рҟынтәи аспортсменцәа. Аицлабрақәа ирылагаанӡа афырхаҵа гәымшәа Ҭенгиз Ԥандариа инышәынҭрахь ашәҭшьыҵәрақәа наргеит.

Анаҩс Аацы ақыҭа абжьаратә школ аҿы иаадыртит Ҭенгиз Ԥандариа ихьӡ зху ақәԥаразы ауада. Агәалашәаратә ӷәы ааиртит Ҭенгиз иԥа Даниил Ԥандариа. Даҽа қыҭак аҿы иҟаӡам ас еиԥш ҳаамҭа иақәшәо аспорттә уада. Араҟа ахәыҷқәа азыҟаиҵалоит Ҭенгиз иҩыза гәакьа, ареспубликатәи жәларбжьаратәи аицлабрақәа рҿы аԥхьахәқәа згахьоу Џьон Партанаӡе. «Сара соуп Ҭенгиз зхы иақәиҭу ақәԥаразы асекциахь дназгаз. Азыҟаҵаҩцәа дыргәаԥхеит, даныхәҷыз инаркны ибаҩхатәра ааирԥшуан. Зныкымкәа аицлабрақәа рҿы аиааирақәа игахьан, анаҩс Аԥсны зҽаԥсазтәыз азыҟаҵаҩсгьы дҟалеит,- иҳәеит иара. – Аԥсны Жәлар Рџьынџьтәылатә еибашьра аан аибашьцәа рыгәҭа дгылан, акыр агәымшәара ааирԥшит».

Ареспубликатә турнир аҿы акапантә категориақәа быжьба рҿы еицлабуан ақәԥаҩцәа. Иааизакны Аацы ақыҭа аҟынтәи ақәԥаҩцәа аиааира ргеит.

Аԥсны аҳәынҭқарра ахада данырыхьчоз иҭахаз Ҭенгиз Ԥандариеи Ремзик Цыгәбеи ирызку аочерк абри ахыҵҳырҭала ишәыԥшаауеит –


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа