Ажәабжьқәа

Алеқсандр Анқәаб Аҧсны Аиашахаҵаратә Уахәама Ахеилак ахаҭарнакцәа дырҧылеит

2725
08.06.2020 18:54
Алеқсандр Анқәаб Аҧсны Аиашахаҵаратә Уахәама Ахеилак ахаҭарнакцәа дырҧылеит
Ауахәамеи аҳәынҭқарреи реимадареи, адоуҳатә ҭынха аиҭарҿиареи, Аҧсны ижәытәӡатәиу аныхабаақәа рыхьчареи реиқәырхареи, уҳәа азҵаарақәа жәпакы ирылацәажәеит.

Аҟәа. Рашәарамза 8. Аҧсныпресс. Аҧсны Аҳәынҭқарра аҧыза-министр Алеқсандр Анқәаб Аҧсны Аиашахаҵаратә Уахәама Ахеилак Ахада Виссарион Аҧлиааи Аиашахаҵаратә Уахәама Ахеилак ахаҭарнакцәеи дырҧылеит.

Аиҧылара аҿы Ауахәамеи аҳәынҭқарреи реимадареи, адоуҳатә ҭынха аиҭарҿиареи, Аҧсны ижәытәӡатәиу аныхабаақәа рыхьчареи реиқәырхареи, урҭ ринфраструктура аиҭашьақәыргылареи, уҳәа азҵаарақәа жәпакы ирылацәажәеит.

Алеқсандр Анқәаби Виссарион Аҧлиааи Аҧсны аҿиара азҵаарақәа рыла Аҳәынҭқарра Ахадареи Аиашахаҵаратә Уахәама Ахеилаки рыбжьара хра злоу аусеиуцура ацҵара иаҵоу аҵакы ахадара инаҵшьны иазгәарҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа